OPINION: Kathryn and Daniel for Mar Roxas, Mocha Uson Hates "Bayarang Artists"

OPINION: Kathryn and Daniel for Mar Roxas, Mocha Uson Hates "Bayarang Artists"

Isa si Mocha Uson ng all girl group na Mocha Girls sa mga Pinoy celebrities na  sumusuporta sa kandidatura ni Mayor Rodrigo Duterte para sa pangkapangulo. Si Mocha ay ilan sa mga artists na naglalaan ng kanilang talent for free. 

Di maikakailang sa tuwing ikinakampanya ni Mocha si Mayor Duterte ay palagi nitong sinasabi sa sambayanang Pilipino na galit diumano sya sa mga artistang bayaran para iboto si Mar Roxas sa pagkapangulo. Galit sya sa mga artistang bayaran na mas inuuna ang negosyo at pera kesa sa bayan.

 Ayon kay Mocha, napili nya si Mayor Duterte dahil naniniwala sya sa "kamay na bakal" nito upang masugpo ang krimen, durugista, rapist, magnanakaw at korupsyon sa labas at loob ng Gobyerno. Nasa kay Mayor Duterte ang mga katangian na maging isang tunay na lider ng bansa.


 Maliban kay Mocha Uson ay lantarang namang ipinahayag ni acoustic singer at dating child actress na si Aiza Seguerra ang pagsuporta kay Digong dahil mataas ang paniniwala nito na sya ang matagal na nating sagot upang malabanan ang ang krimen sa bansa. Kabilang rin ang dating "Pangako Sa'yo" lead star at asawa ni Oyo Sotto na si Kristine Hermosa sa tagasuporta ni Mayor at aniya, ikakampanya ng actress si Digong ng libre.

Sa isang kumakalat na posts ng Kapamilya stars na sina Teen King Daniel Padilla at Teen Queen Kathryn Bernardo, ibinahagi nila sa pamamagitang ng kanilang social media account kung bakit si Mar Roxas ang karapat-dapat na mamuno bilang bagong Pangulo ng Pilipinas.


Ayon kay Kathryn Bernardo, "Mar Roxas is my personal choice. I believe in him. I know he will continue to do more great things. I choose #PHVote Roxas. 

Dagdag pa nito, "We need a decent man. We need a Mar Roxas. PH Vote Roxas"

Bukod kina Daniel at Kathryn, isa rin si Kapamilya host Karylle sa sumusuporta sa kandidatura ni Mar Roxas sa pagkapangulo. Idinaan rin ni Karylle ang kanyang opinyon kung bakit si Mar Roxas ang dapat piliin ng sambayang Pilipino sa darating na eleksyon.

Ayon kay Karylle, " roadtrip.. I want progress, a new business & a president who can help our economic standing now that asia's booming. I choose PH VOTE ROXAS"

Bawat isa sa atin ay may paniniwala, paninindigan at karapatan kung sino man sa limang kandidato ang susuportahan. Nasa ating mga kamay ang susi sa kinabukasan ng Pilipinas kaya't nararapat lamang pairalin ang prinsipsyo at tamang pag-iisip ng sa ganon ay ating matamasa ang tunay na pagbabago na matagal na nating inaasam.

Sa huli, tayo parin ang kikilatis dahil naniniwala ako sa kakayahan ng Pilipino na alamin at pag-aralang mabuti kung sino ang may tunay na kakayahan na tuparin ang mga plataporma para sa bayan at kung sino ang pawang matatamis na pangako lamang ang naiilatag sa bayan.

Nawa'y sana ay gabayan tayo ng Panginoong Diyos sa mga desisyon natin at huwag magpapa impluwensya sa ibang tao lalong-lalo na sa mga sikat na artista ngayon. Lalong-lalo na huwag ipagbili ang boto. 

Suriin at kilatising mabuti ang susunod na magiging Presidente dahil sa huli kinabukasan ng bawa't sa atin  ang makikinabang dito.